ՄԵԾ ԵՂԵՌՆԻՆ ՆՎԻՐՎԱԾ ՄԻՋՈՑԱՌՈՒՄ

Ապրիլի 23-ին Քարահունջի  միջնակարգ դպրոցում տեղի ունեցավ միջոցառում ՝նվիրված ՄԵԾ ԵՂԵՌՆԻ 98ամյակին:Բեմադրվել  էր Սողոմոն Թեհլերյանի դատավարությունը,որը սպանել էր հայերին բնաջնջելու գործում ամենամեծ մեղավորին՝Թալեաթ փաշային:
Իսկ ահա  երեկոյան  ԱԽ-ի  նախաձեռնությամբ տեղի  ունեցավ երթ դպրոցից մինչև Սրբ. Հռիփսիմե  եկեղեցի,որին  մասնակցում  էր ամբողջ գյուղը:Երթի ընթացքում երգվեցին  հայրենասիրական  երգեր,եկեղեցում  անմեղ  զոհերի  համար աղոթք  կատարվեց,իսկ ամենավերջում վառվեց Թուրքիայի  դրոշը:

Զատիկը Քարահունջ համայնքում

ԲՆԱՊԱՀՊԱՆԱԿԱՆ ԽՄԲԱԿ

 Քարահունջի  միջնակարգ  դպրոցում  սեպտեմբերի  մեկից  սկսել  է  գործել  բնապահպանական  խմբակը:Խմբակի  ղեկավարն  է  բնագիտության  և կենսաբանության  ուսուցչուհի  Սաթենիկ  Բաղդասարյանը,իսկ   անդամակցում  են 5-րդ  և  6-րդ  դասարանի  աշակերտները:

ԶԱՏԻԿԸ ՔԱՐԱՀՈՒՆՋՈՒՄ

ՈՒզում  եմ  տեղեկացնել մի   համեստ,գեղեցիկ  ու  հագեցած  միջոցառման  մասին,որը  տեղի  ունեցավ մարտի  31-ին   Քարահունջ  համայնքում:Նախաձեռնությունը  Աշակերտական Խորհրդինն  էր,իսկ  հովանավորությունը << ՎՎ Սիսիանի  Տարածքային  Զարգացման>>  ծրագրի,Քարահունջի  միջնակարգ  դպրոցի  տնօրինության,մանկավարժական և ծնողական խորհուրդների,ինչպես  նաև Քարահունջի  համայնքապետարանինը:Միջոցառումը  իր  մեջ  պարունակում  էր  տունայցեր ՝ճրագալույց տարածելով  բոլոր  ընտանիքներում,որը  բերվել  էր  Գորիսի  սբ.Գրիգոր Լուսավորիչ  եկեղեցուց,զատկական  ուտեստների  պատրաստում  և մատուցում,հին հայկական ազգային  խաղերի կազմակերպում:Ներկայացվեց << Հիսուսի հարությունը >>  բեմականացումը:

Շնորհավոր Սուրբ Զատիկ

«Քրիստոս յարեաւ ի մեռելոց,
մահուամբ զմահ կոխեաց և Յարութեամբն Իւրով
մեզ զկեանս պարգևեաց»:
Շնորհավորրրրրրրրր,Ընկերներ ջան))))
Թող որ այս Հաղթական Ավետիսով Զորացած քայլենք դեպի Նոր Կյանք, Մեր Փկչի Հարության լույսով պայծառացած շարունակենք մեր հոգևոր կյանքի նոր ընթացքը և գործենք ի փառս Աստծո !!!!!!!!!!!!!!!!!!!!!

Ծանոթացում հին քարահունջեցու հագուստին

ՏԱՐԱԶ/ԿՆՈՋ/

Հին գյուղում կանայք հագել են զանա`3 փեղկերով կարմիր,կանաչ,դարչնագույն կտորներից:Ղաբայի տակից կարմիր կտորից (սատինից) մինչև ոտերի ծայրը հալավ(ներքնաշապիկ):Հարուստ կանանց ղաբան ընտիր մախմուրից էր:Գլխներին հագնում էին պալտի,որի վրա,ճակատային մասում,ամրացված էին արծաթյա դրամների շարք,կողքերից դարձյալ արծաթյա կլոր գնդեր,որոնք գեղեցկացնում էին կնոջը: Հարուստ կանանց դրամներն ու կինդերը ոսկուց էին:Սպիտակ քեթկալով ծածկում էին բերանը,որպես ամոթխածության նշան:Եթե հանկարծ բերանը երևում էր,կինը իսկույն քեթկալով բերանը քողարկում էր,որ տղամարդը չտեսնի:Ամոթ էր...Հագնում էին տրեխներ,ոմանք`չմուշկներ:

ՏԱՐԱԶ/ՏՂԱՄԱՐԴՈՒ/

Տղամարդիկ հագնում էին բրդյա երկար չուխա,բրդյա շալվար,գլուխները ծածկում էին ոչխարի մորթուց մեծ փափախներ,հագնում էին տրեխներ:Կոշիկը հին գյուղում հազվադեպ երևույթ է եղել,այն հագել էին տանը:Սպիտակեղեն համարյա չի եղել:Շատեր բրդյա կոշտ հագուստի տակից վարտիք կամ շապիկ չեն ունեցել:

ՄԵԿՆԱՐԿ

Այսօր՝մարտի 19-ին,սկսվեցին   սբ.Զատիկի  նախապատրաստությունները:ԱԽ-ի  անդամները         կատարեցին   առաջին  քայլը ՝նրանք  ափսեների  մեջ  ածիկ  ծլեցրին:

ՀԱՅՏԱՐԱՐՈՒԹՅՈՒՆ

Մարտի  31-ին  Քարահունջի ԱԽ-ի  նախաձեռնությամբ    սբ. Հռիփսիմե  եկեղեցում  տեղի  կունենա  սբ.Զատիկին  նվիրված  մեծ միջոցառում:Կկազմակերպվեն  ազգային  խաղեր,  տեղում  կպատրաստվեն ու    կմատուցվեն  զատկական  ուտեստներ,կներկայացվի  բեմականացում:Բոլորիդ  հրավիրում  ենք  Քարահունջ  համայնքում  Զատիկը  տոնելու:




Սիրով՝Քարահունջի  միջնակարգ  դպրոցի  ԱԽ

ՄԱՐՏԻ 1

Մարտի 1-ին միջազգային հանրությունը նշում է քաղաքացիական պաշտպանության համաշխարհային օրը։

1994թ. ապրիլից Հայաստանը ևս հանդիսանում է Քաղաքացիական պաշտպանության միջազգային կազմակերպության (ՔՊՄԿ) անդամ։

ԽՆԱՄՔՈՎ ՊԱՀՊԱՆԵՆՔ ՍՏԱՑԱԾ ԺԱՌԱՆԳՈՒԹՅՈՒՆԸ

Քարահունջի միջնակարգ դպրոցի աշակերտական խորհուրդը ակտիվ համագործակցում է համայնքում գործող երիտասարդական խմբի հետ: Վերջերս ,,Երիտասարդական բանկ,, կազմակերպության հետ համագործակցելով իրականացրեցին ևս մեկ ծրագիր՝ աջակցեցին երիտասարդներին ու կամավորներին, համայնքի գրադարանի հատակի վերանորոգման  և գրքային ֆոնդի  վերանորոգման աշխատանքների իրականացմանը: Վաղուց համայնքային գրադարանի գրքերը չէին վերանորոգվել, իսկ պահպանել ստացած ժառանգությունը մեր աշակերտական խորհուրդը շատ է  կարևորում:

ՇԱԽՄԱՏԱՅԻՆ ՄՐՑՈՒՄՆԵՐԸ ԱՄԱՆՈՐՅԱ ՄԻՋՈՑԱՌՈՒՄՆԵՐԻ ՇԱՐՔԻ ՄԻ ՄԱՍ

ԴԵԿՏԵՄԲԵՐԻ  25-ին  ԱԽ-ի  նախաձեռնությամբ  Քարահունջի  միջնակարգ  դպրոցում  կազմակերպվել  էր  շախմատային  մրցույթ : Մասնակցում  էին  14  հոգի: ՄԻ  քանի  փուլերից  բաղկացած  մրցույթին   հաղթողի ճանաչվեցին   երեք  աշակերտ,ովքեր  ստացան     մրցանակներ  : Ես տեսնելով,  թե  ինչպես  են  ընկերներս  շախմատ  խաղում ՝ սրտիս  խորքում  նախանձեցի  նրանց, բայց  միևնույն  է  հպարտ  եմ , որ  մեր  գյուղում  այդպիսի  շնորհաշատ  երեխաներ  են  ապրում: 

ԿԱՐԵՎՈՐՈՒՄ ԵՆՔ ԿԱՐԵՎՈՐ ՏՈՆԸ

Հունվարի 26-ին Քարահունջի միջնակարգ դպրոցում տոնական տրամադրություն էր՝ դպրոցի տնօրենի նախաձեռնությամբ , զինղեկի և 6-12-րդ դասարանի դասղեկների կազմակերպմամբ և ԱԽ-ի աջակցությամբ աշակերտները  պատրաստել էին գեղեցիկ հումորային, գրական, երաժշտական միջոցառում՝ նվիրված ՀՀ կանակի կազմավորման 21-րդ տարեդարձին:

ԱՄԱՆՈՐԸ ԵՎ ՍՈՒՐԲ ԾՆՈՒՆԴ ՔԱՐԱՀՈՒՆՋՈՒՄ

Հայոց  անվանադիր  ու  հզոր  նախնի  Հայկ  Նահապետն  ասել  է.<<Թող    խաղաղությունը,ազատությունը  ու  բարեկամությունը  իշխեն  աշխարհի  արևելքում  ու արևմուտքում,հյուսիսում  ու  հարավում:Եվ թող  տարվա  ոչ մի   օր աշխարհում  գուժկան  չերևա>>:
Ամանոր՛,խաղաղությամբ  մտիր  մեր  հարկերի  տակ  ,խաղաղությամբ  ու  բարությամբ  լցրու ամենքիս  սրտերը:
Ամանոր՛,խաղաղություն  ու  տունդարձ  մաղթիր   նրանց,ովքեր  ճակատագրի  քմահաճ  խաղով  կտրվել  են  հայրենի  հողից  և  ապրում են  աշխարհի  մոտ  ու  հեռավոր  անկյուններում:

Հայրենի  հողի  վրա  Նոր  տարին  Նոր  տարի  է,օտարության  մեջ  պատրանք:

ԱՄԱՆՈՐԸ ՀՆՈՒՄ

Հնագույն  ժամանակներում  հայերը Նոր տարին  դիմավորել են  մարտի 21-ին՝ գարնանային գիշերահավասարի օրը:
   Հայկական երկրորդ տարեգլուխը  եղել է  Նավասարդի1-ը (օգոստոսի 11-ը): Ըստ ավանդության  այդ օրը Հայկ Աղեղնավորը Հայոց ձոր գավառում սպանել է Բելին և իր երկրին շնորհել ազատություն:

ԱՄԱՆՈՐՅԱ ՄԻՋՈՑԱՌՈՒՄ ՔԱՐԱՀՈՒՆՋՈՒՄ

Դեկտեմբերի  25-ին  Քարահունջի  միջնակարգ  դպրոցում  տեղի  ունեցավ  ԱՄԱՆՈՐՅԱ  միջոցառում:1-4-րդ  դասարանի  աշակերտները  կազմակերպել  էին  բեմականացումներ,որոնք  մեծ  հաճույք  պատճառեցին  հանդիսատեսին

ԲԱԺԱՆՎԵՑԻՆ ՆՎԵՐՆԵՐԸ

Այսօր՝դեկտեմբերի  26-ին  Քարահունջ  համայնքում  բաժանվեցին  WORLD  VISION  ARMENIA-Ի կողմից  նվերներ  բաժանվեցին  երեխաներին:

ԱՄԱՆՈՐՅԱ ՄԻՋՈՑԱՌՈՒՄ

Դեկտամբերի 22-ին Քարահունջի միջնակարգ դպրոցի 9-րդ, 10-րդ, 11-րդ և 12-րդ դասարանների աշակերտները դպրոցի տնօրինության հետ կազմակերպել էին տոնակատարություն: Հրավիրվել էին երաժիշտներ, որոնք իրենց ներկայությամբ զարդարեցին  տոնակատարությունը: Կազմակերպվեցին մի շարք մրցույթ-խաղեր, որոնք ավելի բարձրացրեցին աշակերտների տրամադրությունը: Իսկ վերջում տեղի ունեցավ հրավառություն, որի հեղինակն էր Մոսկվայում գտնվող մեր համագյուղացիներից մեկը:

ՀԱՅՏԱՐԱՐՈՒԹՅՈՒՆ

ՔԱՐԱՀՈՒՆՋ  համայնքում   դեկտեմբերի  20-ից    կսկսվի  ամանորյա  միջոցառումները:Դեկտեմբերի  24-ին  դպրոցում  սեղի  կունենա   դպրոցական  

շախմատային  փուլը,դեկտեմբերի  28-ին  համայնքում  տեղի  կունենա  համայնքային  փուլը ,ապա դպրոցում  և  համայնքում  առաջին  և  երկրորդ  տեղերը գրաված  մասնակիցները  կմրցեն ,  և  հաղթողները  կստանան  մրցանակներ: 

Քարահունջ կրթօջախի հյուրերն էին ,,Երեք խոզուկները,,

Օրերս Քարահունջ համայնքի կրթօջախ էին հրավիրվել Գորիսի Վաղարշ Վաղարշյանի անվան դրամատիկական թատրոնը, որը ներկայացել էր տիկնիկային ,,Երեք խոզուկներ,, բեմականացմամբ: Հովանավորությունը իրենց վրա էին վերցրել դպրոցի տնօրինությունն ու համայնքապետարանը: Միջոցառմանը մասնակցել են դպրոցի ողջ աշակերտները, մանկավարժները, մանկապարտեզի սաները: Բեմականացումը օգնում է երեխաներին զարգացնելու նրանց գեղագիտական ճաշակը, ինչպես նաև երեխաները մոտիկից ծանոթացան տիկնիկային թատրոնի արվեստին և գաղտնիքներին: Միգուցե այն նաև երեխաների մոտ առաջ կբերի մասնագիտական ճիշտ կողմնորոշում: